جوان سقز | تیر ۱۳۹۷

شیعری ماموستا سالم

ساقی له‌ په‌رده‌ ده‌رهات جامی شـــــه‌ڕابی هێنا

دڵ خیـــــــــره ما له‌ حێـــــره‌ت مه‌ه ئافتابی هێنا

یه‌ک زه‌ڕڕه‌ عه‌کسی پڕته‌و، ده‌رکه‌وت ‌وتووری‌ سووتاند

ئاوێنه‌ سه‌خت ڕووبوو، له‌و عه‌کـسه‌ تابـی هــێنا

تیماری چاکی ســــــینه‌م، ڕاجع به‌ چاوی مه‌سته‌

به‌ختیش موافیقی عه‌شـــق، بۆ من خه‌رابی هێنــا

یارم‌له‌ئه‌نده‌روون هات، ده‌ستی ڕه‌قیب‌ له‌ده‌سـتا

غه‌مناک و شــــــادمانم، ڕه‌حمه‌ت عه‌زابی هـــێنا

بۆ تۆبه‌ ســــــــووی مزگه‌وت، هاتم بچم له‌ ڕێدا

بۆ کۆیی مه‌ی فرۆشــــان، عه‌زمم شـــــتابی هێنا

ڕوو هه‌ر له‌من ئه‌پــــــــۆشێ، وا حاڵیه‌ که‌ جبریل

هه‌ر خاســــه‌ بۆ من و ئه‌و، ئایه‌ی حیجابی هێنا

وه‌ی‌وه‌ی چ ‌مه‌جلسێ بوو، دوێنێ له ‌‌ده‌بده‌به‌ی‌دڵ

دڵبه‌ر شــه‌ڕابی گێـڕا " ســـــــالم" که‌بـابی هێنا

برچسب‌ها: سالم

تاريخ : شنبه سی ام تیر ۱۳۹۷ | 18:10 | نویسنده : آبشار@آسوکم م م م م م م م م م |

حافزی روحی په پووله

پێم ئه‌ڵێن فه‌رمووته‌ شێتم ئه‌ی به‌قوربان ئه‌و ده‌مه‌
باسی شێتێـم تا قیامه‌ت گه‌ر بکه‌ی هێشتــا که‌مه‌

ئه‌گه‌ر تۆ وعاله‌م بزانن شێت و سه‌رگــــه‌ردانتم
گیــــانه‌که‌م عاشق چ باکی له‌ لــــۆمه‌ی عاله‌مه‌

پێم ئه‌ڵێن فه‌رمووته‌ شێتم ئه‌ی به‌قوربان ئه‌و ده‌مه‌
باسی شێتێـــم تا قیامه‌ت گه‌ر بکه‌ی هێشتـا که‌مه‌

گیانه‌ وای بیستوومه‌ هه‌ر حـــاشا له‌ ناسینم ئه‌که‌ی
ئه‌و که‌لامه‌ت دڵ ته‌زینه‌، ئه‌و په‌ڕی ده‌رد و خه‌مه‌

پێم ئه‌ڵێن فه‌رمووته‌ شێتم ئه‌ی به‌قوربان ئه‌و ده‌مه‌
باسی شێتێـــم تا قیامه‌ت گه‌ر بکه‌ی هێشتــا که‌مه‌

گه‌ر ئیشاره‌ی چاوه‌که‌ت هیــــوای نه‌خستبایه‌ دڵ
که‌ی له‌ کۆڵی خۆم ئه‌نا ئه‌و هه‌موو ئێش و ماته‌مه‌

پێم ئه‌ڵێن فه‌رمووته‌ شێتم ئه‌ی به‌قوربان ئه‌و ده‌مه‌
باسی شێتێـــم تا قیامه‌ت گه‌ر بکه‌ی هێشتـا که‌مه‌

وا مه‌فه‌رموو چــــاوه‌کانم که‌س نیه‌ ئاگای نــــه‌بێ
حـافزی ڕوحی په‌پـــوله‌ دووری له‌رزانی شـــه‌مه‌

پێم ئه‌ڵێن فه‌رمووته‌ شێتم ئه‌ی به‌قوربان ئه‌و ده‌مه‌
باسی شێتێـــم تا قیامه‌ت گه‌ر بکه‌ی هێشتـا که‌مه

عــه‌بـاسی كـه‌مـه‌نـدی

برچسب‌ها: عباس کمندی

تاريخ : شنبه سی ام تیر ۱۳۹۷ | 18:6 | نویسنده : آبشار@آسوکم م م م م م م م م م |

.::.